Magni öflugasti dráttarbátur landsins

Magni nýr dráttarbátur Faxaflóahafna er 32 metra langur, 12 metra breiður og með tvær 2525 kW (3,386 HP) Caterpillar aðalvélar. Jafnframt ertu tvær Caterpillar C4.4 rafstöðvar þannig að hestöfl í vélarúminu eru því rétt um 7000 HP.

Togkraftur dráttarbátsins er 85 tonn áfram og 84 aftur á bak en það er jafnt og samanlagður togkraftur allra núverandi dráttarbáta Faxaflóahafna sem eru fjórir talsins. Til að setja þennan togkraft í annað samhengi eru varðskipið Týr með 56 tonna togkraft og varðskipið Þór með 120 tonna.

Nýr Magni býr einnig yfir nýjustu tækni á mörgum sviðum þar á meðal svokallaðri azimuth skrúfutækni þannig að ekki er hefðbundið stýri í honum heldur er honum stýrt með skrúfunum þannig að hann getur tekið 360° á punktinum ef þörf er á. Einnig eru mjög öflugar brunadælur tengdar við aðalvélar sem hægt er að nota við slökkvistörf. Öflugt tæki sem eykur öryggi til mikilla muna.

Alls hafa Faxaflóahafnir átt sex dráttarbáta sem allir hafa borið nafnið Magni og er þessi nýji sjötti í röðinni og var hann smíðaður hjá Damen Shipyards í skipasmíðastöð sem þeir eiga í Hi Phong, Víetnam

‍

Aðrar fréttir

Hreinni framtíð hjá Kletti

Klettur bauð nýverið viðskiptavinum á kynningu sem bar yfirskriftina Hreinni framtíð. Þar var kynnt hvað Klettur er að bjóða í tengslum við orkuskiptin en sýna um leið þann mikla árangur sem hefur náðst með þróun dísilvéla sem stöðugt hafa verið að minnka kolefnisspor sitt og skila hreinni útblæstri.

Ný þjónustumiðstöð að Einhellu 1 í Hafnarfirði

Nýlega opnuðum við nýja og glæsilega þjónustumiðstöð við Einhellu 1 í Hafnarfirði. Þar er að finna vel útbúið verkstæði fyrir vinnuvélar og vörubíla, varahlutaverslun og hjólbarðaverkstæði fyrir vöru- og fólksbíla ásamt einu fullkomnasta smurkerfi landsins.

Scania kynnir nýja hybrid-lausn fyrir báta og minni skip

Hybrid-kerfið sem Scania hefur þróað, samanstendur af háþróaðri dísilvél og rafmótor sem tryggir allt að 92% minni losun á CO2. Ef aðeins er keyrt á rafmótor er losun um 98% minni.

Fyrsti nýskráði vörubíllinn hjá nágrönnum okkar í Hafnarfirði.

Í gær skráðum við fyrsta vörubílinn í nýrri skoðunarstöð Frumherja að Einhellu 1a í Hafnarfirði. Þjónustumiðstöð okkar þar mun brátt opna dyrnar fyrir viðskiptavinum og ríkir mikil tilhlökkun.

Fimm atriði til að auka arðsemi þína

Innbyggð vigtakerfi eru lykillinn að sparnaði í efniskostnaði. CAT Payload er vigtakerfi sem er innbyggt í hjólaskóflur, beltagröfur, búkollur og grjóttrukka.

Metár hjá Kletti í afhendingum á Scania vörubílum

Scania var mest seldi vörubíllinn á Íslandi árið 2023, í flokki vörubíla 16 t. og stærri (vörubílar II) með 36% markaðshlutdeild eða 106 bíla. Volvo kemur þar á eftir með 31% eða 90 bíla, Benz með 17% eða 50 bíla og MAN með 12% eða 36 bíla. Síðastliðin 24 ár í röð hefur Scania verið markaðsleiðandi hér á landi og erum við afar stolt af þeim árangri.

Scania vinnur til verðlauna á German Telematics Award 2024

MyScania var valið sem besta flotastjórnunarkerfið á German Telematics Award 2024. MyScania flotastjórnunarkerfið er frábær lausn fyrir bílstjóra og stjórnendur til að fylgjast með daglegum rekstri á bílaflotanum sínum. Verðlaunin undirstrika skuldbindingu Scania til stafrænnar nýsköpunar og sjálfbærni í samgöngumálum.

Scania verðlaunað fyrir sjálfbæra, rafknúna vörubíla

Scania hefur hlotið hin virtu verðlaun European Transport Award í flokknum „Rafknúnir vörubílar“ á grundvelli sjálfbærnisjónarmiða þeirra.

Kristján Már tekur við sem forstjóri Kletts

Skeljungur, dótturfélag Skeljar fjárfestingarfélags, gekk formlega frá kaupunum á Kletti – sölu og þjónustu ehf. í dag og tók Kristján Már Atlason við sem forstjóri félagsins. Samhliða tók Skel fjárfestingafélag yfir Klettagarða 8-10 ehf., félaginu sem á og rekur húsnæðið sem hýsir hluta af starfsemi Kletts.

Skráðu þig á póstlista Kletts

Skrá mig á listann