Scania vörubifreiðar hafa um árabil verið söluhæstu vörubifreiðar landsins og er Hiab einn stærsti framleiðandi í heimi á hleðslukrönum fyrir vörubíla. Í ár heldur Scania upp á 50 ára afmæli V8 vélarinnar sem hefur verið flaggskip þeirra og ekki að ástæðulausu að bílar með V8 mótor hafa fengið nafnbótina „King of the Road“,“ segir Bjarni Arnarson, framkvæmdastjóri sölusviðs hjá Kletti.
„Í dag er Scania eini framleiðandi vörubifreiða sem getur boðið V8 Euro 6 vélar, sem gefur þeim sérstöðu á sínum markaði. Scania hefur skapað sér traustan sess hér á landi og leggur Klettur mikinn metnað í að þjónusta viðskiptavini sína sem best. Opið er á vörubílaverkstæðinu til kl. 23.30 og í öllum deildum er bakvakt allan sólarhringinn allan ársins hring. Jafnframt höfum við opnað þjónustuumboð á Akureyri til að auka þjónustuna við viðskiptavini okkar,“ segir Bjarni.
Nýjungar frá Hiab
Vörulína og undirtektir Hiab hafa sennilega aldrei verið sterkari en Hiab hefur framleitt hleðslukrana óslitið frá 1944. „Undanfarið hefur Hiab kynnt marga nýja krana og tækninýjungar og má þar helst nefna nýja kynslóð af HiPro stjórnkerfinu sem er það fullkomnasta sem völ er á í hleðslukrönum en það býður upp á mikið vökvaflæði og einstaka samkeyrslu og nákvæmni á hreyfingum kranans,“ upplýsir Bjarni.
„Aðrar spennandi nýjungar eru ASC búnaður (Automatic Speed Control) sem eykur lyftigetu og stillir af hámarkshraða sjálfvirkt; PFD (Pump Flow Distribution) sem jafnar út vökvaflæði í réttu hlutfalli miðað við það vökvaflæði sem er til ráðstöfunar en með því fæst ótrúleg nákvæmni á hreyfingar kranans; Hiab VSL plus stöðugleikakerfi sem er afar fullkomið og býður upp á hámarksstöðugleika óháð í hvaða stöðu stoðfætur eru hverju sinni og eykur þar með öryggi bíls og krana; Hiab Endurance sem er ný umhverfisvæn yfirborðsmeðhöndlun á lakki krananna sem byggir á nanótækni og veitir hámarks vörn og endingu. Þetta eru aðeins örfá dæmi um þær nýjungar sem komið hafa fram að undanförnu,“ segir Bjarni.
ESJ vörubílar ehf. er að fá þessa Scania R650 10×4*6 með Hiab krana og Tyllis ábyggingu afhenta.
Ný Scania R650 8×4*4
Kranaþjónusta Rúnars Bragasonar fékk afhentan í síðustu viku glæsilega Scania R650 8×4*4 með Hiab 408 HiPro hleðslukrana sem er um það bil 40 tm. Ábyggingin er frá Sörling í Svíþjóð og er pallurinn meðal annars með víbrara, gámalásum og upphitun. Ábyggingin er einstaklega lág á bílnum sem bætir alla umgengni. Góðar hirslur eru síðan á hliðum bílsins og er hann með stoðfætur að aftan.
Ný Scania R650 10×4*6
Urði ehf. og ESJ vörubílar ehf. eru um þessar mundir að taka í notkun stórglæsilega Scania R650 10×4*6 með Hiab 1058 HiPro hleðslukrönum ásamt Jib (fingri) en þessir kranar eru í 90-100 tm klassanum. Ábyggingin er frá Tyllis í Finnlandi og er hún sérsniðin að þörfum eiganda með tilliti til umgengni og festinga á vörum. Stoðfætur eru bæði fremst á bíl, út frá krana og aftast sem veitir 100% lyftigetu allan snúningsferilinn. Ábyggingin er einstaklega lág á bílnum. Góðar hirslur eru síðan á hliðum.
Urði ehf. er að fá þessa Scania R650 10×4*6 með Hiab krana og Tyllis ábyggingu afhenta.
V8 afmælisútgáfur
Allir bílarnir eru af Scania V8 afmælisgerð með 650 ha. 3.300 Nm V-8 vélini sem er 16,4 l. Ökumannshús er CR20N (millihátt), búið öllum helstu þægindum sem völ er á eins og leðuráklæði, lúxuskoju, ísskáp, margmiðlunarkerfi með snertiskjá, GPS leiðsögukerfi og hraðastilli með fjarlægðarnema og fleira. Ökumannshúsið býður upp á besta útsýni sem gerist í dag í vörubíl, frábært aðgengi að öllu sem viðkemur mælaborði og innstig inn í húsið er gott
*Frétt sem birtist í Fréttablaðinu 25.10.2019
.jpg)
